जनकपुरधाम । धनुषा जिला निर्वाचनक्षेत्र नं.३स’ प्रतिनिधिसभा एवं प्रदेशसभा लेल गठबन्धनके उम्मेदवार संयुक्तरुपस’ मत मांगब हेतु जनताके घर देहरी पर आइस’ पुंगब शुरु कएने छै ।

जनकपुरधाम उपमहानगरपालिका वडा नम्बर १स’ सत्ता गठबन्धनके उम्मेदवार अनिल झा, परमेश्वर साह मत मांगब हेतु पुंगलाह । स्जनकपुरधाम रेल्वे स्टेशन एरियास’ चुनावी मत मांगब हेतुके पहिल दिनक शुरुआत कएलगेल जनतब भेटल ।

धनुषा-३स’ सत्ता गठबन्धनस’ प्रतिनिधिसभाके उम्मेदवार अनिल झा एवं धनुषा ३(ख)स’ प्रदेशसभा सदस्यके उम्मेदवार परमेश्वर साह छैथ । रौतहट जिला त्यागिक धनुषामे प्रतिनिधिसभाके उम्मेदवार बनल झा धनुषा तीनकेबासीस’ अगाध माया-सिनेह पाएब ओ विश्वाससंग आएल बतौलाह ।

जनपतियार बनबैत जनताके घर देहरी पर पुंगला पर मतदातासभ गठबन्धनके गांठ मजगुत करब पक्षमे रहत सेहो धारना सीमाञ्चल समदिया समक्ष ब्यक्त कएलाह ।

तहिना धनुषा-३(ख)स’ पुनः अहूबेर प्रदेशसभा सदस्यके उम्मेदवार बनल साह-‘‘संघियताकेँ संस्थागत करब हेतु जन भरोसे अहुबेर उम्मेदवारी देल बतौलाह । प्रदेशके नामाकरण भेल, जनकपुरधाम राजधानी बनाओल गेल जाहिमे हमरो योगदान रहल । तथापि संघियताके मर्म अनुरुपके काज अगा नइ बढ़ सकल’’ ताहि प्रति ओ दुःख ब्यक्त कएलाह ।

जनकपुरधामकेँ राजधानी बनाओल त’ गेल मुदा राजधानीकेँ स्वरुपमे लाबक काज संघियता अनुरुप नइ होब सकल छै । एमकीबेर गठबन्धनके सरकार बनत त’ ओ काज अरबैसक हमसब पुरा कराएब ओहो प्रतिवद्धता युवा नेता साह व्यक्त कएलाह ।

कार्यक्रममे लोसपा सम्बद्ध युवा नेता प्रमोद यादव, जिबेन्द्र झा,प्रशान्त झा, रामबिनोद चौधरी, सरिता शर्मा, सुनिलकान्त ठाकुर, सदाशिव मिश्र, मो.अम्बर, राजु साह, सुनिता मेस्तरनी सहितके सहभागिता छल ।