सीमाञ्चल समदिया,
जनकपुरधाम । नेपाल पत्रकार महासंघ धनुषाके निवर्तमान अध्यक्ष अनिलकुमार मिश्र मेयरके उम्मेदवारीमे छनौटमे परलाह ।

धनुषा जिलाके औरही गाउँ पालिका अन्तर्गत परबाहा गाम निवासी मिश्र अपन गापाके अध्यक्ष मे प्रतिस्पर्धा करताह । ताहि लेल हुनक उम्मेदवारी पार्टी दिसस’ सुनिश्चित भेल छै ।

नेपाल पत्रकार महासंघकेँ निवर्तमान अध्यक्ष मिश्र पहिनहीस’ संलग्न रहैत आएल नेकपा माओवादी केन्द्रस’ उम्मेदवार छनौटमे परल छैथ । मिश्र नेपम केन्द्रिय समितिके विदेश विभागमे हालहि सेहो चयन भेल छैथ । आब ओ खुइलक राजनीतिक प्रतिस्पर्धामे अएताह ।

पत्रकारिताक्षेत्रमे सफल एवं पत्रकारके नेतृत्वकरबमे सेहो सफल रहल अनिल मिश्र दलीय राजनीतिकमे कतेक सफल होइत छैथ ओ देखब बांकी छै ।

माओवादी केन्द्रकेँ रविदिन जनकपुरधाम स्थित गोपाल धर्मशालामे मुनाइर साँझधैर बैसार चलल छल ।

बैसारस’ औरही गापाकेँ अध्यक्ष पद हेतु प्रतिस्पर्धा करबलेल हुनक नाम छनौट भेल छै । बैसारमे सामेल माओवादी केन्द्रके सक्रिय कार्यकर्ता बतौलाह ।

बैसारस’ धनुषाके बटेश्वर गापा अध्यक्षमे तारादेवी महतो एवं शहिद परिवारस’ एकटा वार्ड अध्यक्ष सहितकेँ उम्मेदवारी हेतु चयन कएलगेल छै ।

तहिना मिथिला नगर पालिकाके मेयर हेतु रामकुमार महतोके उम्मेदवारी सुनिश्चित कएलगेल छै ।