सीमाञ्चल समदिया,
जनकपुरधाम । खेलकूदके लोकप्रियता मात्र मनोरञ्जक लेल नइ भेल छै । खेलकूदस’ मानवीयभाव प्रष्फूटन होइत छै, दुषित विचारके मनमे पनप नइ दैत छै । दैहिक निरोगिताके साधन खेलकूदकेँ बेसी मानल गेल छै । बदलैत समयक्रम अनुसार युवासभ अधिकांश कुलतमे फंसैत जारहल छै । समाज अइस’ आक्रान्त बनैत जारहल छै । तेहनमे खेलकूल सपारैत छै ।

लोककेँ भंगठैत बिगरैत अवस्थाके सुधारबो करैत छै खेलकूद । अनुशासनमे रहब आ राखबमे खेलकूद सेहो परम सहयोगी होइत छै । ताहि दुवारे खेलकूदके जीवनक अङ्ग मानल जाइत छै । अइ बातके आत्मसाथ करैत लोहारपट्टी नगरपालिकाद्वारा क्रिकेट खेलके आयोजन कएलगेल छै ।

खेलप्रेमीसभकेँ आकर्षणके केन्द्रमे संसारभर पहिल पाँतीमे पसरल क्रिकेट खेल आबैत छै । ओहि क्रिकेट खेलके विधिवत् आइ शुक्रदिन लोहारपट्टी नगरपालिकाके नगरप्रमुख शैलेन्द्रकुमार यादव उद्घाटन कएलाह । लोनपा वार्ड नं.२ अन्तर्गतमे ःएमपीएल क्रिकेट टूर्ना मेन्टके नामस’ सञ्चालन कएलगेल खेलके उद्घाटन मेयर यादव कएलाह । बैटिङ्ग करैत पहिलके बेरमे चौका माइरक मेयर यादव खिलाडि़यो सभकेँ चौंका देलाह ।

तराई-मधेशक्षेत्रमे एकस’एक खेलक्षेत्रमे सेहो प्रतिभा सम्मपन्न लोक छै , मात्र अवसर आ प्रोत्साहनके अभाव छै । ओहन ओझलमे रहल प्रतिभाशाली खिलाड़ीसभकेँ समावेस कएला जाए, राष्ट्रियस्तरधैरमे सहभागी कराओल जाए, ओ बात मेयर यादव उद्घाटन करैत कहलाह ।
अपन संक्षिप्त सम्बोधनमे अन्तर राष्ट्रिय स्तरपर खिलाड़ी तयार कएल जाए ओइलेल एकटा व्यवस्थित रङ्गशाला अइक्षेत्रमे हुअ चाही, ओहु विषय पर जोर देलाह ।

उचित प्रशिक्षण्के व्यवस्था कएल जाए चाही । केन्द्र सरकार नहियो करे त’ प्रदेश सरकारकेँ अइमे लगानी करब आवश्यक छै । तखने प्रतिभासब निखरगर,देखरगर होएत । अन्यथा समयस’ पहिने मुरझा जाएत । प्रोत्साहनके अभावमे , अवसरके ताकमे रस्ता तकैत रैह जएतै । एहन दुबिधा हटाओल जाए चाही आ अइमे हुअबाला सहयोग लेल लोहारपट्टी नगरपालिका अपन सामर्थ अनुसार सहयोग करत ओहो वचनबद्धता मेयर यादव उद्घाटनमे कएलाह ।