सीमाञ्चल समदिया
           जनकपुरधाम  । केपी शर्मा ओली नेतृत्वके वर्तमान नेकपाके सरकारमे अर्थमन्त्री रहल युवराज खतिवडा पद त्याग करब निणर्य पर पुंगल छै । शुक्रदिन भेल केन्द्रिय मन्त्रिपरिषद्के बैसारमे ओ अपन पद त्याग करब घोषणा कएलाह ।

बिनु चुनाव जितनही प्रधानमन्त्री केपी शर्मा ओलीकेँ दयामाया पर मन्त्री बनल खतिवडा आइए शुक्र दिन सांझधैर त्यागपत्र देताह । तेहन बात बहार भेल छै । अर्थ तथा सूचना तथा सञ्चार प्रबिधि मन्त्रालय समेतकेँ काज सम्हारने छलाह ।

मन्त्री खतिवडाके एहे भादब २० गतेमे कार्यकाल समाप्त भरहल छै । तैँ ओ पद त्यागब लेल बाध्य छैथ । राष्ट्रपतिद्वारा सोझे मनोनीत भ’क’ राष्ट्रियसभामे सन्हिएला बाद खतिवडाके दुवर्षे कार्यकाल लेल मन्त्री बनाओल गेल छल ।

हुनक दूवर्षे समय अवधि गत फागुुनम पुरा भगेल छल । तथापि संवैधानिक व्यवस्था शासककेँ पद्धति अनुसार रहने संसद सदस्य नहियो रहल व्यक्ति ६ महिना मन्त्री बनल रह’सकैए । तैँ ओ आधावरिस बेसी समयधैर पदासिन रहलाह ।

सरकारस’ हटा बादो ओ सरकार प्रमुखके विश्वास पात्र रहने सरकारके लगमे रहबे करताह । खतिवडाकेँ प्रधानमन्त्री ओलीकेँ अर्थ सल्लाहकारमे नियुक्त कएल जाएके सम्भावना प्रबल रहल सेहो बात आब अधिक चर्चामे छै ।